Ավիացիայի նոր «հսկայական քայլը» Ռիադում
Աշխարհ
Այսօր Ռիադում՝ Քինգ Խալիեդի միջազգային օդանավակայանում, պաշտոնապես բացվել է Միջազգային Տերմինալ 2-ը, տեղեկացնում է Aviation Business Middle East: Տերմինալի բացմանը ներկա է գտնվել արաբական բարձրաստիճան պաշտոնյաների մի խումբ, այդ թվում՝ օդանավակայանի ղեկավարությունը: Նշվում է, որ նոր ենթակառուցվածքը նախատեսված է զգալիորեն մեծացնելու երկրի միջազգային օդային փոխադրումների կարողությունները և նպաստելու տարածաշրջանի գլոբալ կապերի ամրապնդմանը:
Ըստ Saudi Gazette–ի, Տերմինալ 2-ի բացումը տեղի է ունեցել Տերմինալ 1-ի վերակառուցման աշխատանքների ավարտին զուգահեռ: Ավելացված հնարավորությունները թույլ են տալիս տարեկան սպասարկել շուրջ 14 միլիոն ուղևոր: Նոր տերմինալը ունի 114 գրանցման կետ, 43 անձնագրային սպասարկման կետ և 20 դարպաս, ինչը կրճատում է ուղևորների սպասման ժամանակը և բարձրացնում ծառայությունների արդյունավետությունը:
Նախատեսվում է, որ Տերմինալ 2-ը կծառայի որպես կարևոր գործիք՝ նոր աշխատատեղերի ստեղծման, զբոսաշրջության խթանման և բիզնեսի զարգացման համար՝ համընկնելով Saudi Vision 2030 ծրագրի նպատակների հետ, որոնք ուղղված են տնտեսության դիվերսիֆիկացմանը և միջազգային ներդրումային հոսքերի մեծացմանը:
ՈՒՂԻՂ ԵԹԵՐ
Ամենադիտված 
«Մենք դադարում ենք լինել ամուսիններ»․ Անահիտ Կիրակոսյանն ամուսնալուծվել է
