Չվերթների ուշացումներ և չեղարկում՝ Զվարթնոց օդանավակայանում
Հասարակություն
Երևանի «Զվարթնոց» միջազգային օդանավակայանում մի շարք չվերթներ չեղարկվել է կամ հետաձգվել։ Մասնավորապես, ժամանակին Երևան չեն հասնի ինքնաթիռները Ռուսաստանի Դաշնության Կրասնոդար քաղաքից, Ֆրանսիայի մայրաքաղաք Փարիզից, Արաբական Միացյալ Էմիրությունների Շարժայից, ինչպես նաև Թեհրանից սպասվող մեկ չվերթ։ Թեհրանից մեկ այլ չվերթ չեղարկվել է։
«Փաստինֆո»-ի հետ զրույցում Երևանի «Զվարթնոց» միջազգային օդանավակայանի մամուլի խոսնակ Լուսինե Մողրովյանը տեղեկացրեց, որ ուշացումների պատճառները մեր եղանակային պայմաններով չեն պայմանավորված, սակայն խուսափեց նշել, թե որոնք են։
Ավելի վաղ արդեն հայտնել էինք, որ Ֆրանկֆուրտի օդանավակայանը ձնաբքի պատճառով այսօր չեղարկել է շուրջ 100 չվերթ։ Այս մասին հաղորդում է EFE գործակալությունը։
«Չեղարկումները հիմնականում կապված են եղանակային պայմանների հետ», – գործակալությանը հայտնել է օդանավակայանի մամուլի խոսնակը։
Գերմանիայի մի շարք շրջաններում գրանցվել են առատ ձյան տեղումներ, որոշ վայրերում տեղացել է մինչև 30 սանտիմետր ձյուն։ Առաջիկա օրերին առատ ձյուն է սպասվում նաև Դանիայում և Լեհաստանում։
ՈՒՂԻՂ ԵԹԵՐ
Ամենադիտված 
«Մենք դադարում ենք լինել ամուսիններ»․ Անահիտ Կիրակոսյանն ամուսնալուծվել է
