Տղամարդն օգնել է 86-ամյա կնոջը տուն տանել պայուսակները և թալանել է նրան

ՌԴ Կրասնոդարում տղամարդը կողոպտել է թոշակառուին՝ նրան օգնելուց հետո։ Այս մասին հայտնել է Ռուսաստանի ՆԳՆ մամուլի ծառայությունը։

Ոստիկանությունը գողության կասկածանքով ձերբակալել է Կրասնոարմեյսկի շրջանի 33-ամյա բնակչի, որը նախկինում դատապարտվել է նմանատիպ հանցագործությունների համար։ Հետաքննիչների տվյալներով՝ տղամարդը նկատել է 86-ամյա կնոջը, որը պայուսակները ձեռքին փողոցով քայելիս է եղել, և առաջարկել է օգնել նրան տուն տանել դրանք։

«Բնակարան մտնելուց հետո չափահաս թիմուրովցին մի բաժակ ջուր է խնդրել՝ ծարավը հագեցնելու համար, և հեռանալուց հետո թոշակառուն նկատել է, որ միջանցքից 150,000 ռուբլի է պակասում», - նշվում է հաղորդագրության մեջ։

Կասկածյալը գումարը օգտագործել է իր ընկերուհու և նրա երեխաների համար մթերք ու հագուստ գնելու համար։ Հարուցվել է քրեական գործ՝ Ռուսաստանի քրեական օրենսգրքի 158-րդ հոդվածի 2-րդ մասով (գողություն)։ Հետաքննությունը շարունակվում է։