Մեկ տարի է, ինչ մեզ հետ չէ Արմեն Դուլյանը, այս ընթացքում բազմիցս զգացվել է նրա սուր խոսքի անհրաժեշտությունը․ Աննա Իսրայելյան
Հասարակություն
Այսօր լրագրող, հեռուստամեկնաբան, ռադիոմեկնաբան Արմեն Դուլյանի մահվան տարելիցն է։
Այս առիթով լրագրող Աննա Իսրայելյանը Ֆեյսբուքի իր էջում գրել է․
«Ֆեյսբուքյան այս «թրենդը» չեմ սիրում, երբ երկրային կյանքին հրաժեշտ տված մարդուն են գրավոր դիմում (թեեւ ակնհայտ է, որ նա այլեւս չունի սոցիալական ցանցերին հասանելիություն) կամ առավել եւս՝ իր «երկնային ծնունդը» շնորհավորում:
Ուստի առանց իրեն դիմելու, ուղղակի ասեմ՝ մեկ տարի է, ինչ մեզ հետ չի ընկերս, գործընկերս՝ Արմեն Դուլյանը:
Ու անցած այս մեկ տարում բազմիցս զգացվել է իր սուր խոսքի անհրաժեշտությունը:
Բայց մասնագիտական, լրագրողական դիտանկյունը մի կողմ թողնենք: Առավել սուր էր զգում Դուլյանի բացակայությունը հարազատս՝ Ռուզանը, որի սերն Արմենի նկատմամբ առանց այն էլ մինչեւ լուսինը եւ հետո էր, իսկ հեռանալուց հետո վերածվեց կարծես պաշտամունքի:
Ու առավել իրեն եմ դիմում՝ դարձյալ հիշեցնելու համար, որ մարդիկ ապրում են, քանի դեռ իրենց մասին հիշում են: Իսկ Արմենի մասին հիշողների շարքերը խիստ ստվար են:
Ի դեպ, զարմանալի զուգադիպությամբ հունվարի 27-ը դարձավ հիշատակի օր»:
ՈՒՂԻՂ ԵԹԵՐ
Ամենադիտված 
Երբ կմեկնարկի փետրվար ամսվա կենսաթոշակների վճարումը
