Իսրայելը ցանկանում է նոր համաձայնագիր կնքել Թրամփի հետ

Իսրայելը պատրաստվում է ԱՄՆ նախագահ Դոնալդ Թրամփի հետ բանակցություններ վարել ԱՄՆ ռազմական աջակցությունը երկարաձգելու տասնամյա նոր անվտանգության համաձայնագրի շուրջ, հաղորդում է The Financial Times-ը։

Իսրայելի և ԱՄՆ-ի միջև փոխօգնության ներկայիս հուշագիրը գործում է մինչև 2028 թվականը։ Դրա համաձայն՝ ԱՄՆ-ն պարտավորվում է Երուսաղեմին տրամադրել 38 միլիարդ դոլարի ռազմական օգնություն 2019-2028 ֆինանսական տարիներին։

Այժմ քննարկումներ են ընթանում հաջորդ տարիների աջակցության ձևաչափի վերաբերյալ։ Թերթը նշում է, որ Իսրայելի իշխանությունները պատրաստվում են ապագայի՝ առանց միլիարդավոր դոլարների ամերիկյան դրամաշնորհների և նախատեսում են կենտրոնանալ համատեղ նախագծերի և տեխնոլոգիական համագործակցության վրա։