Գրենլանդիայի խորհրդարանը հաստատել է ՆԱՏՕ-ի 5-րդ հոդվածի կիրառումը

Հյուսիսատլանտյան պայմանագրի 5-րդ հոդվածը կիրառելու հարցը կարող է բարձրացվել Գրենլանդիային ուղղակի սպառնալիքի դեպքում: Այս մասին հայտարարել է Գրենլանդիայի խորհրդարանի փոխխոսնակ Օտտոսենը, մեջբերում է ՌԻԱ Նովոստին։

Այնուամենայնիվ, նա հավելել է, որ Դանիան պետք է պաշտոնապես սկսի նման քննարկում։

«Մենք ՆԱՏՕ-ի անդամ ենք։ Մենք պետք է հաշվի առնենք ՆԱՏՕ-ի 5-րդ հոդվածը. նրանք (ԱՄՆ-ն՝ խմբ.) սպառնում են մեր ամբողջականությանը և տարածքին», - ասել է Օտտոսենը։

ՆԱՏՕ-ի պայմանագրի 5-րդ հոդվածը սահմանում է, որ մեկ անդամ պետության վրա զինված հարձակումը համարվում է հարձակում բոլոր անդամների վրա և ենթադրում է կոլեկտիվ պատասխան՝ ներառյալ անհրաժեշտ օգնության տրամադրումը, զինված ուժի կիրառումը անդամ պետությունների հայեցողությամբ։