ԱՄՆ-ում կանխատեսել են Գազայի հարցով «Խաղաղության խորհրդի» ձախողումը

ԱՄՆ նախագահ Դոնալդ Թրամփի՝ ՄԱԿ-ի մրցակից «Խաղաղության խորհուրդ» ստեղծելու փորձը, հավանաբար, կձախողվի և «արագ կմոռացվի», քանի որ դա «մեկ մարդու ներկայացում» է։ Այս մասին գրել է լրագրող Մաքս Բութը The Washington Post-ի համար գրված հոդվածում։

Ըստ Բութի՝ Խաղաղության խորհրդի գործունեությունը «տարածվում է Գազայից շատ ավելի հեռու և, ըստ էության, ընդգրկում է ամբողջ աշխարհը»։ Հետևաբար, մարմինը «ՄԱԿ-ի պոտենցիալ մրցակից է»։ Այնուամենայնիվ, լրագրողը նշել է, որ «Խաղաղության խորհուրդը» «միայն անվանապես բազմակողմ կազմակերպություն է», քանի որ ամբողջ իշխանությունը «կենտրոնացված է նախագահի» (այսինքն՝ Թրամփի) ձեռքում, ով կարող է հրավիրել պետություններին միանալ Խորհրդին, վետո դնել կամ հաստատել բանաձևեր, լուծարել Խորհուրդը և նույնիսկ հաստատել մարմնի պաշտոնական կնիքը։ Հեղինակը շեշտել է, որ այս մոդելը «ավելի մոտ է Թրամփի կազմակերպությանը», քան ՄԱԿ-ի կամ ՆԱՏՕ-ի կոլեկտիվ ղեկավարությանը։