Հնդկաստանի հետ գործարքը բոլոր գործարքների մայրն է. Ֆոն դեր Լեյեն

Եվրոպական Միության և Հնդկաստանի միջև առևտրային համաձայնագիրը դարձել է «բոլոր գործարքների մայրը», - սոցիալական ցանցերում գրել է Եվրահանձնաժողովի (ԵՀ) նախագահ Ուրսուլա ֆոն դեր Լեյենը։

Նա նշել է, որ այսօր «Եվրոպան և Հնդկաստանը պատմություն են կերտում» և ընդգծել, որ «սա միայն սկիզբն է»։

«Մենք կնքել ենք համաձայնագիր, որը բոլոր գործարքների մայրն է։ Մենք ստեղծել ենք ազատ առևտրի գոտի երկու միլիարդ մարդու համար, և երկու կողմերն էլ կշահեն դրանից։ Սա միայն սկիզբն է։ Մենք կզարգացնենք մեր ռազմավարական հարաբերությունները՝ դրանք ավելի ամրապնդելու համար», - գրել է ֆոն դեր Լեյենը։