NYT. Պենտագոնը խորհրդակցում է Մերձավոր Արևելքի դաշնակիցների հետ Իրանի հարցով

Միացյալ Նահանգների ռազմական ղեկավարությունը խորհրդակցություններ է անցկացնում Մերձավոր Արևելքի դաշնակիցների հետ՝ Իրանի շուրջ լարվածության ֆոնին։ Այս մասին հայտնում է The New York Times (NYT) թերթը՝ հղում անելով իր աղբյուրներին։

 

Նրանց տվյալներով, անցած շաբաթավերջին ԱՄՆ ԶՈւ Կենտրոնական հրամանատարության (CENTCOM) ղեկավար, ադմիրալ Բրեդ Կուպերը այցելել է Սիրիա, Իրաք և Իսրայել՝ ամերիկացի զինծառայողների և այդ երկրներում իր գործընկերների հետ մի շարք հանդիպումներ անցկացնելու նպատակով։ Հանդիպումների ընթացքում, ըստ աղբյուրների, իրաքցիներին հայտնել են, որ հնարավոր լարվածության սրման և Իրանի կողմնակից կազմավորումների կողմից Իրաքում ամերիկյան բազաների և զորքերի վրա հարձակման դեպքում Միացյալ Նահանգները կձեռնարկեն պատասխան քայլեր։

 

Վաշինգտոնյան վարչակազմի ներկայացուցիչները նաև խորհրդակցություններ են անցկացրել Սաուդյան Արաբիայի և Կատարի պաշտոնյաների հետ Իրանի շուրջ իրավիճակի վերաբերյալ։

 

NYT-ի հաղորդմամբ՝ Պենտագոնը տարածաշրջան է ուղարկել ևս մոտ տասնյակ F-15E մարտական ինքնաթիռներ, ինչպես նաև Patriot և THAAD հակաօդային պաշտպանության համակարգեր՝ իր ռազմական ներկայությունը ուժեղացնելու համար։ ԱՄՆ-ում տեղակայված հեռահար ռմբակոծիչները, որոնք կարող են հարվածներ հասցնել Իրանի նպատակներին, արդեն երկու շաբաթ շարունակ գտնվում են բարձր մարտական պատրաստվածության վիճակում։