Թուրքական «Թարաֆ» թերթում լույս է տեսել հոդված՝ Հայոց ցեղասպանության մասին

Սերդար Կայան, ով հայտնի է իր հոդվածներում հայկական հարցեր առաջ քաշելով, «Թարաֆ» թուրքական թերթում հոդված է գրել` անդրադառնալով Հայոց ցեղասպանությանը, մասնավորապես՝ ցեղասպանության նպատմամբ Թուրքիայի դիրքորոշմանը: 

Սերդար Կայան իր հոդվածում նշում է, որ 1915 թվականին իթիհաթականները Անատոլիայում ապրող հայերի մեծամասնությունը տեղահանել կամ կոտորել են: Հազարավոր տարիներ այնտեղ ապրած հայերը անհետացան այդտեղից: Անատոլիայաի թուրքերը շատ շուտ կարողացան մոռանալ իրենց կողքին ապրող հայերին: Նրանց հիշողության միջից անհետացան հայերը, ինչպես նաև նրանց գյուղերը և եկեղեցիները: 

Հայկական հարցը թուրքական օրակարգում կրկին հայտնվեց 1973 թվականին, երբ մի շարք հայեր աշխարհի տարբեր կողմերում սկսեցին  թուրք դիվանագետների դեմ մահափորձներ կատարել: Այս մահափորձերին հաջորդեցին Ցեղասպանությունը ճանաչելու պահանջները և այս բոլորը պատաճառ հանդիսացան, որպեսզի թուրքերը կրկինն«հիշեն» հայերի հետ ունեցած իրենց անցյալը: Սակայն «հիշելը» իրականում այլ իմաստ էր ստացել թուրքական կառավարության կողմից, քանի որ հայերի ինքնությունը թուրքերի համար այլևս միայն քաղաքական իմաստ էր ներկայացնում և քաղաքականը՝ միայն թշնամանքի զգացումով: 

«Ցեղասպանություն» բառը ստեղծվեց Համաշխարհային II  պատերազմից հետո և դարձավ միջազգային իրավագիտական տերմին 1948- թվականից հետո: Թուրքիան, 1950-ին ստորագրելով ՄԱԿ-ի համաձայնագիրը, ճանաչեց ցեղասպանութեան առնչությամբ կատարված կարգադրությունները: Այնուհանդերձ, տարիներ շարունակ Թուրքիայում ոչ մեկ չէր հետաքրքրվում՝ ինչ է նշանակում ցեղասպանություն: Այս անտարբերությունը չփոխվեց նաև 1970 եւ 1980 թվականներին թուրք դիվանագետների մահափորձերից հետո: Այս պատճառով էլ ցեղասպանության մասին բանավեճերի ընթացքում մարդիկ խոսում են առանց որևէ բան հասկանալու բառի նշանակության մասին և այն օգտագործելով միայն որպես սպանդ նշանակող բառ:  

Այստեղ իր մեղքն ուներ նաև պետությունը, քանի որ փակել էր տեղեկատվության բոլոր աղբյուրները: Օրինակ՝ Թուրքիայի կառավարությունը արգելել էր ֆրանսիացի մտավորական Իվ Թերնոնի կողմից գրված «Հայակական տաբուի դատը» գիրքը: Միայն 2005 թվականից Թուրքիան սկսեց իրականում խոսել Ցեղասպանության մասին, սակայն այդ ամենը դեռևս մակերեսային է: 

Այդ պատաճառով է, որ Թուրքիայի բնակչությունը մինչև այսօր էլ զարմանում և զայրանում է, երբ խոսվում է հայկական ցեղասպանության մասին: Այս պայմաններում մեկ օր էլ հնարավոր է տեղի ունենա նաև քրդերի ցեղասպանություն:  Այս մասին հաղորդում է արևմտահայերեն yerakouyn.com լրատվական կայքը: