Զախարովան Զելենսկիին մեղադրել է ահաբեկչական հարձակումներով խաղաղության բանակցությունները խափանելու փորձի մեջ

Ուկրաինայի նախագահ Վոլոդիմիր Զելենսկին փորձում է խափանել հնարավոր խաղաղության բանակցությունները՝ հարձակվելով խաղաղ բնակիչների վրա։ Այսպիսի հայտարարություն է արել Ռուսաստանի արտաքին գործերի նախարարության խոսնակ Մարիա Զախարովան «Սպուտնիկ» ռադիոկայանի եթերում։

Նրա խոսքով՝ հարվածները չեն իրականացվում ռազմական գործողությունների անհրաժեշտությունից ելնելով, այլ ուղղված են քաղաքացիական անձանց և սոցիալապես նշանակալի օբյեկտներին։ Դիվանագետը այս հարձակումները անվանել է ահաբեկչական գործողություններ՝ ընդգծելով, որ դրանց համար կարող են լինել մի քանի հնարավոր պատճառներ։

«Սա, անկասկած, խափանում է խաղաղությանն ուղղված ցանկացած քննարկում կամ շարժում», - նշել է Զախարովան։