Բացահայտվել են սմարթֆոնների համար նախատեսված գաղտնի կոդերը

ZDNet-ի լրագրողները թվարկել են սմարթֆոնների համար նախատեսված գաղտնի կոդերը:  

Կարճ կոդերը օգտագործվում են հեռախոսի որոշ գործառույթներ կառավարելու համար: Հեղինակները նշել են, որ դրանցից շատերը ստեղծվել են սմարթֆոնները մշակողների կողմից, իսկ մյուսները՝ բջջային օպերատորների: Սովորաբար դրանց մեծ մասը կապված չէ որևէ կոնկրետ սարքի կամ հարթակի հետ: Հոդվածում լրագրողները բացահայտել են ամենաօգտակար կոդերը:

Օրինակ՝ *#06# մուտքագրելով, կարող եք ստուգել IMEI-ը՝ ձեր սմարթֆոնի եզակի սերիական համարը: Եթե համարից առաջ ավելացնեք *67, զրուցակիցը չի տեսնի զանգահարողի համարը իր սարքի էկրանին: *#07# մուտքագրելով էկրանին կցուցադրվի իրավական տեղեկություն:

Հեղինակները նշել են, որ iPhone–ի օգտատերերը կարող են մուտք գործել ընդլայնված կարգավորումների մենյու՝ մուտքագրելով *3001#12345#*: Մյուս կողմից, թեստավորման պատուհանը բացվում է միայն Android սարքերի վրա՝ *#*#4636#*#* մուտքագրելով: Վերջապես, *2767*3855# կոդը չեղյալ է հայտարարում Android սմարթֆոնի բոլոր կարգավորումները: Լրագրողները կոչ են արել մարդկանց օգտագործել սա զգուշությամբ, քանի որ կոդ մուտքագրելը կարող է նաև ջնջել գաջեթից բոլոր տվյալները։