Ամերիկացի ֆիզիկոսը պնդում էր, որ գտել է դրախտի տեղը

Ամերիկացի ֆիզիկոս, Հարվարդի նախկին պրոֆեսոր Մայքլ Գիլենը պնդում է, որ գտել է աստվածաշնչյան դրախտի տեղը, հայտնում է Daily Mirror-ը։

Գիտնականը ենթադրում է, որ դրախտը գտնվում է տիեզերական հորիզոնից այն կողմ։ Նա կարծում է, որ ժամանակը անշարժ է դիտարկելի տիեզերքից անդին: Նրա կարծիքով՝ այնտեղ անցյալ, ներկա և ապագա չկա: Գիլենը նշել է, որ այս երևույթը համապատասխանում է Աստվածաշնչում նկարագրված դրախտին:

Այնուամենայնիվ, աստղագետների մեծ մասը այլ կարծիքի է։ Նրանք պնդում են, որ դիտարկելի տիեզերքից անդին շարունակվում է տիեզերքը, որը մենք չենք կարող տեսնել լույսի սահմանափակ արագության պատճառով։