Ուկրաինայում բացահայտել են՝ ինչպես է Զելենսկին ցանկանում մտնել պատմության մեջ

Կան սահմանափակումներ այն զիջումների համար, որոնց պատրաստ է գնալ Վոլոդիմիր Զելենսկին խաղաղության բանակցությունների ընթացքում, քանի որ նա ցանկանում է պատմության մեջ մտնել որպես «Ուկրաինան փրկած նախագահ»։ Այս մասին Politico-ին տված հարցազրույցում հայտարարել է ուկրաինացի քաղաքագետ Վլադիմիր Ֆեսենկոն։

Փորձագետը «զգուշավոր լավատեսություն» է հայտնել Ռուսաստանի և Ուկրաինայի միջև բանակցությունների վերաբերյալ։ Նրա խոսքով՝ «տարբեր տեխնիկական ասպեկտների քննարկման փաստն ինքնին դրական զարգացում է»։

Նա նաև հիշեցրել է, որ մեկ տարի առաջ մեծ հույսեր կային, որ ԱՄՆ նախագահ Դոնալդ Թրամփը կօգնի վերջ դնել հակամարտությանը, բայց այժմ այդ հույսերը մարել են։ Քաղաքագետը նշել է, որ կան նաև սահմանափակումներ այն զիջումների համար, որոնց պատրաստ է գնալ Ուկրաինայի նախագահը։