Նոր փոփոխություն Սիրիայում՝ քրդերին արագ քաղաքացիություն է շնորհվում

Ներքին գործերի նախարար Անաս Խաթթաբի որոշմամբ բոլոր քրդերը անմիջապես ստանում են երկրի քաղաքացինություն: Նախարարությունը սահմանել է փետրվարի 5-ը, որպես վերջնաժամկետ նոր կարգի ամբողջական իրականացման համար: Այս որոշումը հետևում է ուժերի արագ առաջխաղացմանը հյուսիսում՝ քրդերի առաջնորդած Սիրիայի Դեմոկրատական ուժերի (SDF) դեմ և նպատակ է հետապնդում միավորել երկիրը մոտ 14 տարի տևած քաղաքացիական պատերազմի ավարտից հետո, գրում է AL-JAZEERA լրատվական կայքը:

Նախորդ շաբաթ նախագահ Ահմեդ ալ-Շարաան ճանաչել էր քրդերենը որպես երկրի ազգային լեզուներից մեկը և հայտարարել քրդերին քաղաքացինություն վերադարձնելու մասին, միաժամանակ հայտարարելով հրադադարի մասին: Նոր որոշման համաձայն, պետությունը պարտավոր է պահպանել երկրում քրդերի մշակույթը, լեզուն և ապահովել քրդերենի ուսուցումը հանրային և մասնավոր դպրոցներում՝ քրդաբնակ շրջաններում:

Չնայած այս առաջընթացին, շրջաններում դեռ կան տեղեկություններ սննդի պակասի և տեղահանված քաղաքացիների մասին, քանի որ երկրի ուժերի և SDF-ի միջև սահմանային հակամարտությունը շարունակվում է հյուսիսում: Նույն օրերին Ահմեդ ալ-Շարան հանդիպեց Ռուսաստանի նախագահ Վլադիմիր Պուտինի հետ Մոսկվայում՝ քննարկելու երկրի ապագան և ռուսական զորքերի ներկայությունը: Պուտինը գնահատեց երկրի ղեկավարի ջանքերը երկրում կայունություն ապահովելու համար և հավաստիացրեց Մոսկվայի աջակցությունը՝ պահպանելու իր ռազմավարական ազդեցությունը Մերձավոր Արևելքում: