Իսրայելը պահանջում է ավելի շատ ելքեր Գազայի Ռաֆահում, Եգիպտոսը տարակուսում է

Իսրայելը փորձում է վերահսկել Գազայի Ռաֆահի սահմանի անցակետը այնպես, որ ելքներն ավելի շատ լինեն, քան մուտքերը, ինչը առաջացրել է լուրջ տարաձայնություններ Եգիպտոսի հետ: Իսրայելցի պաշտոնյաները առաջարկել են ավելի շատ մարդկանց թույլատրել դուրս գալ Գազայից դեպի Եգիպտոս, քան ներգաղթել նորից Գազա, սակայն Եգիպտոսը հստակ մերժել է այս մոտեցումը՝ պահանջելով պահպանել մուտքերի և ելքերի հավասար հարաբերակցությունը։ Եգիպտոսը մտավախություն ունի, որ անհավասարություն կարող է հանգեցնել բնակչության զանգվածային տեղահանման։ 

Նոր առաջարկվող մեխանիզմը, ըստ Ynet լրատվական կայքի, նախատեսում է երկու տարբեր ընթացակարգեր՝ ելքերի և մուտքերի համար։ Ռաֆահի անցակետով դուրս գալու դեպքում «Շին Բեթ» անվտանգության ծառայությունը կիրականացնի հեռավար ստուգումներ՝ facial recognition տեխնոլոգիայով, առանց տեղում ֆիզիկապես ներկա լինելու։ Մուտքի դեպքում վերադարձող անձինք անցնելու են հատուկ ստուգման կետով, որտեղ կկատարվի մարմնի զննում, X-ray հետազոտություն և կենսաչափական նույնականացում, հայտնում է AL-JAZEERA լրատվական կայքը։ 

Քննադատները՝ այդ թվում նախկին զինվորական Սամիր Ֆարագը և պաղեստինյան ռազմական փորձագետները, նշում են, որ այս մոտեցումը կարող է ծառայել ոչ միայն վերահսկման, այլև տեղահանման քայլերի համար՝ վերափոխելով Գազայի անցակետը այնպես, որ այն աշխատի որպես համակարգ, որտեղ ելքերը գերակշռում են մուտքերը։ Նրանք ընդգծում են, որ նման փոփոխությունը կարող է հակասել 2005 թվականի համաձայնագրին, որը նախատեսում էր հավասար մուտքեր և ելքեր՝ պահպանելով անցակետի ինքնուրույնությունը և Պաղեստինյան վերահսկողությունը։