Տարածքների բաժանումը միակ խոչընդոտը չէ խաղաղության բանակցություններում. Յուրի Ուշակով

Կրեմլի արտաքին քաղաքականության խորհրդական Յուրի Ուշակովը հինգշաբթի հայտարարել է, որ այն հարցը, թե ով որ տարածքն է ստանալու, միակ հանգուցային խնդիրը չէ Ուկրաինայում ռազմական գործողությունների հնարավոր ավարտի շուրջ համաձայնության ճանապարհին։

Ռուսաստանը պահանջում է, որ ուկրաինական ուժերը դուրս գան Դոնեցկի շրջանի այն մոտ 20%-ից, որը դեռ վերահսկողության տակ չունի ռուսական բանակը։ Կիևը, իր հերթին, հայտարարում է, որ չի ցանկանում Մոսկվային «անվճար նվիրել» այն տարածքները, որոնք դեռ չի նվաճել մարտադաշտում, հայտնում է AL-JAZEERA լրատվական կայքը։

Միացյալ Նահանգների պետքարտուղար Մարկո Ռուբիոն նշել է, որ ԱՄՆ-ի միջնորդությամբ ընթացող բանակցություններում ակտիվ աշխատանք է տարվում այդ հարցի լուծման ուղղությամբ։ Նա ընդգծել է, որ տարածքային տարաձայնությունը դեռևս մնում է մի քանի դժվարին խնդիրներից մեկը։

Հարցին՝ արդյոք համաձայն է, որ տարածքային հարցը միակ մնացած խնդիրը չէ, Ուշակովը պատասխանել է. «Ես այդպես չեմ կարծում»։ Սակայն նա չի բացահայտել, թե ինչ այլ հարցեր են դեռ քննարկման փուլում։