ԱՄՆ – Կանադա հարաբերությունների նոր, թեժ փուլ՝ Ալբերտա նահանգի հանրաքվեի ֆոնին

Կանադայի վարչապետ Մարկ Քարնին նշել է, որ ակնկալում է որ, ԱՄՆ-ն կհարգի երկրի ինքնիշխանությունը, այն բանից հետո, երբ հայտնի դարձավ, որ Ալբերտա նահանգի անկախության կողմնակիցները մի քանի անգամ հանդիպել են Թրամփի վարչակազմի պաշտոնյաների հետ:

Alberta Prosperity Project (APP) խումբը կոչ է անում հանրաքվե անցկացնել՝ որոշելու նահանգի անկախության հարցը, իսկ առաջիկայում պլանավորված է ևս մեկ հանդիպում ԱՄՆ պաշտոնյաների հետ՝ հնարավոր $500 միլիարդ վարկային գծի շուրջ քննարկումների համար, հայտնում է AL-JAZEERA լրատվական կայքը։

Ներկայիս հանդիպումները մեծ ուշադրություն են գրավում և առաջացնում մտավախություններ Կանադայի ներքին քաղաքականության, ԱՄՆ–Կանադա հարաբերությունների և Ալբերտա նահանգի անկախության շարժման ապագայի շուրջ: