The Guardian. ԱՄՆ-Իրան լարվածությունում Թուրքիան գլխավոր միջնորդ է
Աշխարհ
Բրիտանական «The Guardian» թերթը գրում է, որ ԱՄՆ-Իրան լարվածությունում Թուրքիան ստանձնել է ծայրահեղ կարևոր դիվանագիտական պատասխանատվություն՝ զբաղեցնելու «գլխավոր միջնորդի» դերը: Պատրիք Վինթուրի հոդվածում ուսումնասիրվում է Թուրքիայի «մաքոքային դիվանգիտությունը»՝ որը միտված է կանխելու հնարավոր ռազմական բախումը, ինչը կարող է անկայունացնել տարածաշրջանը:
«Մաքոքային դիվանագիտություն» եզրույթն օգտագործվում է նկարագրելու 3-րդ կողմի գործողությունները, որը միջնորդ է հանդիսանում հակամարտող կողմերի միջև առանց վերջիններիս անմիջական կապի։
Վինթուրի հոդվածում անդրադարձ է արվում Իրանի արտգործնախարար Աբաս Արախչիի՝ Անկարայում սպասվող հանդիպումներին՝ դրանք դիտարկելով որպես ԱՄՆ-ի հնարավոր հարձակումը չեզոքացնելու վերջին շրջադարձային կետ:
Դրանում ընդգծվում է նաև, որ Թուրքիայի դիվանագիտությունն այժմ փորձում է համոզել Թեհրանին զիջումների գնալ միջուկային ծրագրի հարցում, որոնք կարող են առանցքային դեր ունենալ «ավերիչ բախումը» կանխելու հարցում:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
