ՌԴ-ն Գերմանիայից պահանջում է հյուպատոսական հասանելիություն տրամադրել Սուրեն Աբաջանին

Մոսկվան բողոքի նոտա է ուղարկել Բեռլին՝ Դոնբասին մարդասիրական օգնություն մատակարարելու մեղադրանքով Գերմանիայում Ռուսաստանի քաղաքացի Սուրեն Աբաջանի կալանավորման վերաբերյալ, հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, փոխանցում է ՌԻԱ Նովոստի-ն։

Հիշեցնենք՝ հունվարի սկզբին Գերմանիայի գլխավոր դատախազությունը հանձնարարել էր Դաշնային քրեական ոստիկանության աշխատակիցներին կալանավորել Ռուսաստանի քաղաքացի Սուրեն Աբաջանին, որը մեղադրվում է Դոնբասին մարդասիրական օգնություն մատակարարելու մեջ։

«Նոտայում Բեռլինից բացատրություն էր պահանջվում նման որոշման հիմքերի վերաբերյալ։ Պահանջել ենք, որ գերմանական կողմը անհապաղ հյուպատոսական մուտք ապահովի ձերբակալված ռուսաստանցուն՝ իրավիճակը պարզաբանելու և նրա իրավունքներն ու շահերը պաշտպանելու համար։ Մենք այս հարցը պահում ենք մեր առավելագույն ուշադրության ներքո», – ճեպազրույցի ժամանակ ասել է Զախարովան։