Պենտագոնն ու Սպիտակ տունը ներկայացրել են Իրանի դեմ հարձակման ծրագրեր

Պենտագոնն ու Սպիտակ տունը Իրանի դեմ համատեղ մշակված ռազմական հարձակման ծրագրեր են ներկայացրել, գրում է The Wall Street Journal թերթը՝ հղում անելով իրազեկ աղբյուրներին։

 

«Տրամադրվել է տեղեկատվություն Իրանի դեմ հնարավոր հարձակման տարբերակների վերաբերյալ, որոնք մշակվել են Սպիտակ տան և Պենտագոնի կողմից»,- նշվում է հոդվածում։

 

Թերթը նշում է, որ դրանց թվում կա, այսպես կոչված, «մեծ ծրագիրը», որը նախատեսում է ԱՄՆ-ի հարվածները պետական հաստատություններին և Իսլամական հեղափոխության պահապանների կորպուսի (ԻՀՊԿ) օբյեկտներին՝ լայնածավալ ռմբակոծման արշավի շրջանակում։

 

Ինչպես ընդգծվում է, ավելի սահմանափակ տարբերակները ներառում են իշխանական թիրախների ուղղությամբ հարվածներ, ինչը հնարավորություն է թողնում հարձակումների ուժեղացման համար, եթե Իրանը չհամաձայնի գործարքի։