Գեղարքունիքում սահմանազատում կլինի մոտ ապագայում և ադրբեջանցիները դուրս կգան. ՔՊ–ական Արամ Մելքոնյան
Հասարակություն
Միշտ փորձել եմ մասնակցել պատարագներին, մի քիչ ժամանակի խնդիր ունեմ, բայց միշտ փորձել եմ մասնակցել: Այս մասին ասել է Վարդենիս համայնքի նախկին ղեկավար Արամ Մելքոնյանը, որը նույնպես մասնակցում է Նիկոլ Փաշինյանի կազմակերպած «պատարագին»։
Նա վստահություն է հայտնել, որ Հայաստանում այժմ խաղաղություն է, «վերջապես այսօր խաղաղ ապրում ենք»։
«Ես՝ որպես սահմանամերձ համայնքի բնակիչ, ասեմ, որ խաղաղ ենք, որ զինվորները ավելի ապահով են, ավելի բարեկեցիկ վիճակում են կանգնած, այ եթե հնարավորություն պաշտպանության նախարարությունը կտա՝ մի օր այցելեք։ Վարդենիսի տարածաշրջանում ինքս եմ տեսել՝ ինչ մասշտաբի աշխատանքներ են կատարվել վերջին մի քանի տարվա ընթացքում և զինվորները ինչ պայմաններում են ծառայություն տանում»,– ասել է ՔՊ–ականը։
Մելքոնյանը նաև «երաշխավորել է», որ ադրբեջանցիները դուրս կգան ՀՀ օկուպացված տարածքներից․ «Վստահ ձեզ ասում եմ, երաշխավորում եմ խաղաղության համար և վստահեցնում եմ, որ այդ տեղերից դուրս են գալու, երբ որ սահմանազատումը տեղափոխվի մեր տարածաշրջան, դա տեղի է ունենալու մոտ ապագայում, կտեսնե՛ք»։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
