Կինը կտրել է ամուսնու սեռական օրգանները՝ կասկածելով նրան անհավատարմության մեջ

Իսպանացի կինը սպանել է իր զուգընկերոջը և կտրել նրա ամորձիներից մեկը, հաղորդում է ABC թերթը։

55-ամյա լատինաամերիկացի կինը ձերբակալվել է Բիլբաոյում՝ իր 67-ամյա` բարի սեփականատեր զուգընկերոջ սպանության կասկածանքով։ Հունվարի 30-ի առավոտյան նա զանգահարել է 911 և ոստիկանության ժամանումից հետո խոստովանել հանցագործությունը։

Աղբյուրների համաձայն՝ կինը մի քանի անգամ դանակահարել է տղամարդուն, երբ նա քնած է եղել, և կտրել է նրա ամորձիներից մեկը։ Նա, ենթադրաբար, հարձակվել է իր զուգընկերոջ վրա՝ նրան անհավատարմության մեջ կասկածելուց հետո։ Դրանից հետո կինը դուրս է եկել արյունոտ ձեռքերով և գնացել գնումներ կատարելու։

Ըստ տեղեկությունների՝ մեղադրյալը մոտ չորս տարի առաջ էր տեղափոխվել զոհի մոտ։ Զույգի հարևանները նրանց համարում էին «խաղաղ»։ Հետաքննությունը շարունակվում է։