Բժիշկը հայտնել է՝ ինչը կօգնի արագ քնել

Իսպանացի բժիշկ Վիսենտե Մերան նշել է, որ քնի քրոնիկ պակասը կարող է զգալիորեն կրճատել կյանքի տևողությունը: 20minutos-ին տված հարցազրույցում մասնագետը ներկայացրել է , թե ինչը կօգնի արագ քնել։ Ըստ նրա՝ դեմքը տաք ջրով լվանալը կարող է հեշտացնել քնելը։

Բժշկի խոսքով՝ քնելու նախապատրաստությունը պետք է սկսվի առնվազն մեկ ժամ առաջ: Լավ քնի հիմքը էլեկտրոնային սարքերի լիակատար վերացումն է: Մերան ընդգծել է, որ սմարթֆոնների, հեռուստացույցների և պլանշետների լույսը ճնշում է մելատոնինի արտադրությունը և խանգարում է ուղեղին մտնել հանգստի ռեժիմ: Դրա փոխարեն նա խորհուրդ է տալիս աստիճանաբար նվազեցնել սենյակի լուսավորությունը և ստեղծել հանգիստ, լուռ միջավայր։

Մասնագետի խոսքով՝ տաք ցնցուղը կամ տաք ջրով լվացվելը լրացուցիչ հանգստացնող ազդեցություն ունի՝ օգնելով նվազեցնել լարվածությունը և «ազդանշան տալ» մարմնին, որ քունը մոտենում է: Կարևոր են նաև մեդիտացիան և շնչառական վարժությունները, որոնք օգնում են դանդաղեցնել սրտի զարկերը և նվազեցնել անհանգստությունը։

Մերան ընդգծել է կայուն ռեժիմի կարևորությունը: Նա ընդգծել է, որ մարդիկ պետք է ամեն օր, այդ թվում՝ հանգստյան օրերին, պառկեն քնելու և արթնանան նույն ժամին, քանի որ կանոնավորությունը օգնում է համաժամեցնել իրենց կենսաբանական ժամացույցները: Նման երեկոյան ծեսը, ըստ բժշկի, ոչ միայն հեշտացնում է քնելը, այլև նվազեցնում է քրոնիկ քնի պակասի հետ կապված երկարատև առողջական ռիսկերը։