Արևմուտքում հայտարարել են Զելենսկու հուսահատության մասին

Ուկրաինայի նախագահ Վոլոդիմիր Զելենսկու պահանջները, որ Ռուսաստանը ճանաչի իր լեգիտիմությունը և չհամարի իրեն «ժամկետանց նախագահ», խոսում են քաղաքական գործչի հուսահատության մասին։ Այս մասին գրում է գերմանական Junge Welt թերթը։

«Զելենսկին գրեթե անպարկեշտ ձևով չափն անցնում է։ Սա ցույց է տալիս նրա հուսահատությունը։ Նախագահը պահանջում է, որ Ռուսաստանը, նախքան որևէ համաձայնության հասնելը, հետ վերցնի իր իրավական դիրքորոշումը, որ նրա լիազորությունների ժամկետը լրանում է 2024 թվականին, և, հետևաբար, նա «ժամկետանց նախագահ» է», - գրում է թերթը։

Լրագրողները նաև նշում են, որ եթե Ռուսաստանը «լեգիտիմացնի» Զելենսկուն բարձր մակարդակի հանդիպման միջոցով, դա նրան հնարավորություն կտա խուսափել Ուկրաինայում ընտրություններ անցկացնելուց և «անորոշ ժամանակով» մնալ իշխանության գլուխ։

JW-ն ընդգծում է, որ հիմա Զելենսկու «գլխավոր նպատակն է պահպանել իր անձնական իշխանությունը»։