Գնդերեցները նույնիսկ ինքնասպանության փորձեր են կանխել․ Արտաշես սարկավագ

Ցավոք, դատարաններն արդեն շատ կանխատեսելի են ու երկար մտածելու կարիք չկա, թե Արշակ սրբազանի կալանքի երկարացման վերաբերյալ ինչ որոշում կկայացնի դատարանը։ Այս մասին դատարանի բակում ասաց Արտաշես սարկավագ Աջապահյանը։ 

Անդրադառնալով բանակում հոգևոր ծառայության լուծարմանը՝ սարկավագը նշեց, որ գնդերեցների ներկայությունը շատ կարևոր էր բանակում և զինվորների բարոյահոգեբանական մթնոլորտի ու զինծառայողներին պաշտպանելու հետ կապված։ 

«Վերադասի դեպքում ճնշումների, կամ ներքին խնդիրների դեպքում նրանք իրականում շատ օգուտ են տվել, նրանք նույնիսկ ինքնասպանության փորձեր են կանխել ու առողջացնող դեր ունեին գնդերեցները բանակում։ Իրենց հավատացյալ համարելով՝ նրանք բանակից դուրս են հանում հոգևոր ծառայությունը, նրանք իրենց գործով ցույց են տալիս, որ որևէ կապ չունեն մեր եկեղեցու հետ»,-ասաց սարկավագը։