Հոգեբանը բացահայտել է ուղեղի առողջության գլխավոր գաղտնիքը

Հոգեբան Վիոլետա Յուրչենկոն բացահայտել է ուղեղի առողջության գլխավոր գաղտնիքը: Նա այս մասին խոսել է Lenta.ru-ի հետ զրույցում։

Հոգեբանի խոսքով՝ երբ մարդը շարժվում է, ակտիվանում են ուղեղի այն հատվածները, որոնք պատասխանատու են կողմնորոշման, ուշադրության, հիշողության և հույզերի համար: Սա բարելավում է ուղեղի արյան հոսքը և մեծացնում նեյրոհաղորդիչների՝ սերոտոնինի, դոպամինի և էնդորֆինների արտադրությունը: Հետևաբար, սթրեսի հորմոն կորտիզոլի մակարդակը նվազում է, և տրամադրությունն ու ճանաչողական գործառույթները բարելավվում են:

«Շարժումը հոգեկան գործընթացի համար բնական վերագործարկում է։ Երբ մարմինը շարժվում է, ուղեղը հնարավորություն է ստանում վերաբաշխել էներգիան՝ վերականգնելով սիմպաթիկ և պարասիմպաթիկ նյարդային համակարգերի հավասարակշռությունը։ Ահա թե ինչու զբոսանքից, պարից կամ մարզումից հետո մարդը զգում է ոչ թե հոգնածություն, այլ թեթևություն», - բացատրել է Յուրչենկոն։

Նա ընդգծել է, որ որքան շատ շարժում, շնչառական վարժություններ և ֆիզիկական ակտիվություն է մարդը ներառում իր կյանքում, այնքան ավելի դիմացկուն է սթրեսի նկատմամբ և այնքան ավելի երկար է պահպանում մտավոր պարզությունը։