Բարելավվել են ազատազրկված անձանց պահման պայմանները. Սրբուհի Գալյանը՝ 2025-ի աշխատանքների մասին

Արդարադատության նախարար Սրբուհի Գալյանին է ներկայացվել Քրեակատարողական ծառայության՝ 2025 թվականի կատարած աշխատանքների վերաբերյալ հաշվետվությունը: Այդ մասին հայտնում են արդարադատության նախարարությունից:

Ըստ այդմ՝ 2025 թվականի ընթացքում բարելավվել է ավելի ցածր անվտանգային գոտիներ և պայմաններ տեղափոխելու վիճակագրական պատկերը։

Բարելավվել են ազատազրկված անձանց պահման պայմանները և ծառայողների աշխատանքային պայմանները՝ վերանորոգվել են մեծ թվով խցեր և կացարաններ, սանհանգույցներ, մարզասենյակներ, աշխատասենյակներ և այլն։

Ընդլայնվել է ազատազրկված անձանց աշխատանքային զբաղվածության շրջանակը։

Բարելավվել է վերասոցիալականացման միջոցառումներին ազատազրկված անձանց ներգրավվածության ցուցանիշը։

Իրականացվել են հանրակրթական, բուհական, հետբուհական և ոչ ֆորմալ կրթական ծրագրեր։

2026-ի համար նախանշվել են պայմանական վաղաժամկետ ազատման ինստիտուտի վերանայում.

ՔԿՀ-ների պարագծի անվտանգության ապահովման մոդելի վերանայում.

ազատությունից զրկված անձանց ուղեկցումների ամբողջական իրականացում.

ատեստացիայի նոր ձևաչափի մշակում.

բոլոր ՔԿՀ-ներում էլեկտրոնային հսկողության իրականացում։