Հնդկաստանում հայտարարել են ռուսական նավթ գնելուց հրաժարվելու մասին

Հնդկաստանի կողմից ռուսական նավթի գնումների հանկարծակի դադարեցումը «չափազանց անհավանական է», հաղորդում է Hindu Business Line (HBL)-ը՝ հղում անելով աղբյուրներին։

Վերլուծաբաններն ու նավթավերամշակման գործարանների ներկայացուցիչները կարծում են, որ եթե Հնդկաստանը լիովին դադարեցնի ռուսական նավթ գնելը, հետևանքները աշխարհի ամենաարագ զարգացող տնտեսության համար կարող են «ավերիչ» լինել։ Նշվում է, որ Հնդկաստանի կառավարությունից դեռևս հրահանգներ չեն ստացվել Ռուսաստանից նավթ գնելը դադարեցնելու վերաբերյալ։

Փետրվարի 2-ին ԱՄՆ նախագահ Դոնալդ Թրամփը հայտարարեց, որ Հնդկաստանի վարչապետ Նարենդրա Մոդին համաձայնել է դադարեցնել Ռուսաստանից նավթ գնելը։ Սպիտակ տան ղեկավարը նշեց, որ իր համար պատիվ է խոսել «իր լավագույն ընկերներից մեկի» և «իմ երկրի ազդեցիկ և հարգված առաջնորդի»՝ Նարենդրա Մոդիի հետ։