90-ամյա ուսուցչուհին գրանցվել է Գինեսի ռեկորդների գրքում

ԱՄՆ Միչիգանում անգլերենի 90-ամյա ուսուցչուհի Բևեռլի Հանեթ-Փրայսը պաշտոնապես գրանցվել է Գինեսի ռեկորդների գրքում՝ կանանց շրջանում ամենաերկար ուսուցչական կարիերայի համար՝ 67 տարի, հաղորդում է UPI-ն։

Հանեթ-Փրայսը անգլերեն է դասավանդում  Detroit Country Day դպրոցում։ Նրան ռեկորդի վկայականը հանձնվել է երկուշաբթի օրը՝ նրա պատվին կազմակերպված անակնկալ հավաքի ժամանակ։

Թոնի և Էմմի մրցանակների դափնեկիր դերասան Քորթնի Բ. Վենսը, Հանեթ-Փրայսի նախկին աշակերտուհին, ելույթ է ունեցել արարողության ժամանակ։  

Բևեռլին սկսել է դասավանդել 1958 թվականին։ Նրա նախկին աշակերտների թվում են նաև դերասան Ռոբին Ուիլյամսը և Microsoft-ի նախկին գործադիր տնօրեն Սթիվ Բալմերը։

Արարողության ժամանակ ելույթ ունենալով՝ Հանեթ-Փրայսն ասել է, որ թոշակի անցնելու ծրագրեր չունի։

«Ես սիրում եմ այս դպրոցը։ Ես սիրում եմ դասավանդելը», - ասել է նա։