Ավելի քան 10 հազար միավոր սպառազինություն հունվարին մուտք է գործել ռուսական բանակ

Ռուսաստանի պաշտպանության նախարար Անդրեյ Բելոուսովը հայտարարել է, որ հունվարին ռուսական բանակի ծառայության է հանձնվել ավելի քան 10 հազար միավոր սպառազինություն և շուրջ 2 միլիոն զինամթերք։ Նրա խոսքով՝ մատակարարումները իրականացվում են ըստ հաստատված պլանների։

Ռուսաստանի պաշտպանության նախարարության տվյալներով՝ 2026 թվականի ընթացքում բանակին նախատեսվում է փոխանցել ավելի քան 310 հազար միավոր ռազմական տեխնիկա։

Բացի այդ, կտրամադրվի մոտ 21 միլիոն միավոր զինամթերք։ Մատակարարումների նպատակն է բարձրացնել զինված ուժերի մարտունակությունն ու համալրել պաշարները։

Խորհրդակցությունն անցկացվել է պաշտպանության նախարարի նախագահությամբ, հաղորդում է TASS լրատվական կայքը: