Ռուսաստանը G20-ի շրջանակում կբարձրացնի ԵՄ երկրների կողմից նավերի զավթման հարցը

Ռուսաստանը «Մեծ քսանյակի» (G20) շրջանակում, համատեղելով ջանքերը համաշխարհային մեծամասնությանը պատկանող երկրների գործընկերների հետ, իրավական գնահատական կտա եվրոպական երկրների կողմից նավերի «ծովահենային» զավթումներին, որոնք ստեղծում են տնտեսական ռիսկեր, և կպահանջի հրաժարվել այդ գործելակերպից։ Այդ մասին ՌԻԱ Նովոստիին հայտնել է ՌԴ արտաքին գործերի նախարարության հատուկ հանձնարարություններով դեսպան, G20-ի և ԱՏԵՍ-ի հարցերով Մարատ Բերդիևը։

 

Cloud X Day համաժողովի շրջանակում տեղի ունեցած զրույցի ընթացքում նա նշել է, որ ԵՄ առանձին երկրների կողմից նավերի զավթումների պատճառով աճում են էներգակիրների փոխադրման և կարևորագույն ենթակառուցվածքների անվտանգությանը սպառնացող ռիսկերը։ Դիվանագետի համոզմամբ՝ դա խնդիրը դարձնում է կարևոր G20-ի բոլոր երկրների համար։

 

«Քննարկումը լինելու է սուր, բարդ և անհարմար՝ առաջին հերթին Մեծ Բրիտանիայի և Ֆրանսիայի համար։ Սակայն մենք անպայման բարձրացնելու ենք այս հարցերը և համաշխարհային մեծամասնության երկրների հետ պահանջելու ենք հրաժարվել նման ծովահենային գործելակերպից»,-ասել է դեսպանը գործակալությանը։