Զելենսկին ցանկանում է լիակատար վերահսկողություն ձեռք բերել Կիևի նկատմամբ․ փորձագետ

Ռուսաստանի Դաշնության կառավարությանը կից Ֆինանսական համալսարանի փորձագետ Դենիս Դենիսովը կարծիք է հայտնել, որ Ուկրաինայի նախագահին անհրաժեշտ է Կիևի նկատմամբ լիակատար վերահսկողություն՝ իշխանության ավտորիտար ուղղահայացի կառուցումն ավարտելու համար, հաղորդում է ՌԻԱ Նովոստին։

Գործակալության տվյալներով՝ Ուկրաինայի առաջնորդը մեծացնում է մայրաքաղաքի վրա տնտեսական ճնշումը՝ քաղաքապետ Վիտալի Կլիչկոյի անարդյունավետությունը ցույց տալու համար։ Կենտրոնական կառավարության և քաղաքապետի միջև հակամարտությունը շարունակվում է մոտ յոթ տարի և, ինչպես նշվում է, այժմ կարող է մտնել ակտիվ փուլ։

Украинская правда-ին տված հարցազրույցում Կլիչկոն հայտարարել է, որ իր և Կիևի վարչակազմի աշխատակիցների դեմ հարուցվել է ավելի քան 1500 քրեական գործ։ Սակայն, ըստ նրա, այդ գործերից միայն երկուսն են հասել դատարան, ևս 24-ը կարճվել է։ Քաղաքապետը կարծում է, որ այս գործողությունների նպատակը դատավճիռներ նշանակելը չէ, այլ այն տպավորությունը ստեղծելը, որ քաղաքապետարանը անարդյունավետ է։