Սի Ցզինպինը Պուտինին հրավիրել է Չինաստան՝ պաշտոնական այցով

Չինաստանի նախագահ Սի Ցզինպինը Ռուսաստանի նախագահ Վլադիմիր Պուտինին հրավիրել է պաշտոնական այցով Չինաստան՝ ընթացիկ տարվա առաջին կեսին։ Այդ մասին հայտնել է Ռուսաստանի նախագահի միջազգային հարցերով օգնական Յուրի Ուշակովը՝ ՏԱՍՍ-ին տված մեկնաբանությունում։

Ուշակովի խոսքով՝ հրավերը ընդունվել է շնորհակալությամբ, իսկ այցի ժամկետներն ու մանրամասները դեռ կճշտվեն հավելյալ քննարկումների ընթացքում։ Նա ընդգծել է, որ Պուտինի և Սի Ցզինպինի անձնական շփումները կշարունակվեն նույն ակտիվությամբ՝ արտացոլելով երկկողմ հարաբերությունների բարձր մակարդակը։

Ավելի վաղ Սի Ցզինպինը հայտարարել էր, որ Չինաստանը և Ռուսաստանը պետք է համատեղ աշխատեն երկկողմ հարաբերությունների զարգացման ուղղությամբ՝ ընդգծելով Մոսկվայի հետ համագործակցության նոր, լայնածավալ ռազմավարական ծրագրի մշակման անհրաժեշտությունը։