Ռուսաստանը մեկնաբանել է Պուտին–Սի Ցզինպին բանակցությունները

Ռուսաստանի և Չինաստանի միջև շփումները կրում են մշտական բնույթ, քանի որ Պեկինը Մոսկվայի ռազմավարական և հիմնական գործընկերն է։ Այդ մասին «Լենտա.ռու»-ին հայտնել է Պետդումայի միջազգային հարցերով հանձնաժողովի նախագահի առաջին տեղակալ Ալեքսեյ Չեպան՝ ընդգծելով, որ երկու երկրները բոլոր առանցքային հարցերի շուրջ պահպանում են կանոնավոր երկխոսություն։

Չեպայի խոսքով՝ Չինաստանը ներկայումս Ռուսաստանի խոշորագույն առևտրային գործընկերն է, իսկ երկկողմ ապրանքաշրջանառության ծավալը հասել է շուրջ 250 միլիարդ դոլարի։ Նա նշել է, որ Մոսկվան և Պեկինը խորհրդակցություններ են վարում նաև միջազգային օրակարգի զգայուն թեմաների, այդ թվում՝ Ուկրաինայի շուրջ իրավիճակի վերաբերյալ։

Փետրվարի 4-ին Ռուսաստանի նախագահ Վլադիմիր Պուտինը և Չինաստանի նախագահ Սի Ցզինպինը անցկացրել են համատեղ տեսակոնֆերանս։ Զրույցի մեկնարկին Պուտինը նշել է, որ ուրախ է շարունակել նոր տարվա սկզբին ձևավորված շփումների ավանդույթը՝ ընդգծելով, որ Սի Ցզինպինին համարում է իր մտերիմ ընկեր։