Դանիան որոշել է իր տարածքում ուկրաինական ռազմական գործարաններ տեղակայել

Չորս կամ հինգ ուկրաինական ռազմարդյունաբերական ընկերություններ կարող են արտադրական օբյեկտներ հիմնել Դանիայում, ՌԻԱ Նովոստիին տված հարցազրույցում հայտարարել է Կոպենհագենում Ռուսաստանի դեսպան Վլադիմիր Բարբինը։

«Կոպենհագենը մտադիր է հրավիրել չորս կամ հինգ բարձր տեխնոլոգիական ուկրաինական ռազմարդյունաբերական ձեռնարկությունների Դանիայում արտադրական օբյեկտներ հիմնելու համար։ Դանիան այս նախագծի համար հատկացրել է մոտ 70 միլիոն եվրո», - նշել է դեսպանը։

Բարբինը հիշեցրել է, որ ուկրաինական Fire Points ընկերությունը 2025 թվականի դեկտեմբերից ի վեր Դանիայի տարածքում՝ Յուտլանդիայի թերակղզում, արդեն իսկ կազմակերպում է թևավոր հրթիռների համար պինդ վառելիքի արտադրություն։

Նա հավելել է, որ Դանիան զգալի հետաքրքրություն է ցուցաբերել «տարբեր տեսակի անօդաչու համակարգերի շուրջ համագործակցության» նկատմամբ, և այս ոլորտում Ուկրաինայի հետ քննարկվում են համատեղ արտադրական նախագծեր՝ եվրոպական շուկա զենքի մատակարարումները հետագայում կազմակերպելու համար։