Թուրքիայում սպառնում են գերմանացի զինվորականներին

Թուրքիայում Patriot զենիթա-հրթիռային համակարգերի տեղակայման առաքելությունն իրականացնող 5 գերմանացի զինվորներին սպառնացել են տեղի թուրք քաղաքացիները. գրում է գերմանական Bild գործակալությունը: Շուրջ 40 թուրք տղամարդ նավահանգստային Իսքենդերուն քաղաք ժամանած գերմանացի զինվորներին հայհոյել են տեղի խանութներից մեկի մուտքի մոտ և սկսել հետապնդել նրանց, փոխանցում է գերմանական դաշնային հրամանատարությունը և հավելում, որ զինվորներից մեկի դրամապանակն էլ գողացել են:

Թուրքիայի անվտագության ուժերը կարգավորել են ստեղծված իրավիճակը և գերմանացի զինվորներին անվնաս հասցրել իրենց զորամաս: