216 զինյալ ոչնչացվել են Պակիստանի բանակի գործողության արդյունքում

Պակիստանի բանակը ավարտել է մի շաբաթ տևած գործողությունը Բալոչիստանում՝ ոչնչացնելով 216 զինյալների, հայտնում է Պակիստանի զինված ուժերը։
Baloch Liberation Army-ն (BLA) նախապես հարձակումներ էր իրականացրել դպրոցների, բանկերի և շուկաների վրա, ինչի հետևանքով սպանվել է 22 անվտանգության աշխատակից և 36 քաղաքացիական անձ։

«Radd Al-Fitna 1» գործողությունն սկսվել էր հունվարի 29-ից՝ զինյալների դեմ հետախուզական տվյալների հիման վրա։ Զինված ուժերն ու իրավապահ մարմինները ակտիվորեն արձագանքել են գրոհներին, այդ թվում՝ գրավել և ազատագրել Նուշկի քաղաքը, գրում է reuters-ը։

Բալոչիստանը հարուստ է բնական պաշարներով, ունի կարևոր ռազմավարական նշանակություն: