Կրեմլում ափսոսանք են հայտնել ԱՄՆ գործողությունների կապակցությամբ

Ռուսաստանը ափսոսանք է հայտնում Ռազմավարական հարձակողական սպառազինությունների կրճատման պայմանագրի (ԴՍՆՎ) գործողության ժամկետի ավարտի կապակցությամբ։ Այդ մասին հայտարարել է Ռուսաստանի նախագահի մամուլի քարտուղար Դմիտրի Պեսկով՝ մեկնաբանելով իրավիճակը։

Նրա խոսքով՝ Մոսկվան դժգոհությամբ է արձանագրում պայմանագրի գործողության դադարեցումը՝ ընդգծելով, որ այն երկար տարիներ հանդիսացել է ռազմավարական կայունության և վերահսկելիության կարևոր գործոն։ Պեսկովը նշել է, որ պայմանագրի դադարեցումը բացասաբար է ազդում գլոբալ անվտանգության համակարգի վրա։

Կրեմլում ընդգծել են, որ Ռուսաստանը շարունակել է հանդես գալ ռազմավարական զենքի վերահսկման և երկխոսության օգտին, սակայն ստեղծված իրավիճակը պայմանավորված է ԱՄՆ կողմից ընդունված որոշումներով։ Մոսկվան, ըստ պաշտոնական դիրքորոշման, բազմիցս հայտարարել է, որ անվտանգության հարցերում նախընտրելի է բանակցությունների և փոխադարձ պարտավորությունների ուղին։