Թուրքական 225 ուղևոր տեղափոխող ինքնաթիռը Հնդկաստանում արտակարգ վայրէջք է կատարել

Turkish Airlines-ի ինքնաթիռը արտակարգ վայրէջք է կատարել Հնդկաստանում՝ շարժիչի խնդիրների պատճառով, հաղորդում է թուրքական Türkiye Today թերթը։

Դեպքը տեղի է ունեցել չորեքշաբթի՝ փետրվարի 4-ին։ Նեպալի Կատմանդուից Ստամբուլ թռչող ինքնաթիռի աջ շարժիչը բռնկվել է թռիչքից անմիջապես հետո։ Օդաչուն միջադեպի մասին հայտնել է Կալկաթայի օդային երթևեկության կառավարմանը և որոշել է շեղել ուղղությունը։ Մոտ 10 րոպե անց ինքնաթիռը վայրէջք է կատարել Նեթաջի Սուբհաշ Չանդրա Բոսե միջազգային օդանավակայանում։ Ինքնաթիռում եղել է 225 ուղևոր և անձնակազմի 11 անդամ։ Վայրէջքից հետո բոլորը անվտանգ տարհանվել են խցիկից։

Ինքնաթիռն այժմ գտնվում է Կալկաթայում։ Մասնագետները հետաքննում են շարժիչի խափանման պատճառը։