Տոկաևը Թրամփին Գրենլանդիայի ռազմական գրավման այլընտրանք է առաջարկել

Ղազախստանի նախագահ Կասիմ-Ժոմարտ Տոկաևը պակիստանյան The News International թերթին տված հարցազրույցում խոսել է Գրենլանդիայի հնարավոր ապագա սցենարների մասին՝ ԱՄՆ-ի կողմից առաջարկվող անեքսիայի լույսի ներքո։

«Միջազգային պրակտիկայում կան բազմաթիվ նմանատիպ օրինակներ, երբ երկրները երկարաժամկետ վարձակալության պայմանագրեր են կնքում որոշակի տարածքների կամ ռազմավարական վայրերի համար, ամենից հաճախ՝ փոխշահավետ նպատակներին հասնելու համար», - ընդգծել է Ղազախստանի նախագահը։

Տոկաևը նաև կարծիք է հայտնել, որ նման որոշումները պետք է անպայման հիմնված լինեն միջազգային իրավունքի վրա, որը ճանաչում է պետությունների ինքնիշխանությունը և ՄԱԿ-ի կանոնադրության մեջ ամրագրված սկզբունքները։

«Մի հնարավոր տարբերակ կլինի, որ Միացյալ Նահանգները և Դանիան կնքեն Գրենլանդիայի 120-ամյա վարձակալության պայմանագիր», - նշել է Ղազախստանի առաջնորդը։