Դուրովը հայտարարում է՝ Telegram-ը կփակվի, բայց չի փոխանցի օգտատերերի նամակագրությունը

Պավել Դուրովը հայտարարել է, որ Telegram-ը ավելի շուտ կդադարեցնի գործունեությունը, քան կփոխանցի օգտատերերի անձնական նամակագրության տվյալները երրորդ կողմերին։ Նա այդ մասին գրել է X սոցիալական ցանցում՝ ընդգծելով, որ մեսենջերը իր գոյության ամբողջ ընթացքում չի տրամադրել նման տվյալներ։

Դուրովի խոսքով՝ օգտատերերի գաղտնիությունը մնում է Telegram-ի հիմնական սկզբունքներից մեկը։ Նա նշել է, որ հարթակը երբեք չի բացահայտել նամակագրության բովանդակություն և մտադիր չէ փոխել այդ քաղաքականությունը նույնիսկ հնարավոր ճնշումների պայմաններում։

Ավելի վաղ Դուրովը նաև կասկածի տակ էր դրել WhatsApp-ի անվտանգությունը։ Նրա հրապարակմանը արձագանքել էր X հարթակի սեփականատեր Իլոն Մասկը՝ թողնելով կարճ մեկնաբանություն, որը սոցիալական ցանցերում լայն արձագանք էր ստացել։