Սաուդյան Արաբիայում սկսել են ուղտերին անձնագրեր տրամադրել

Սաուդյան Արաբիայի Շրջակա միջավայրի, ջրային ռեսուրսների և գյուղատնտեսության նախարարությունը հայտարարել է, որ սկսվել է երկրի բնակչությանը պատկանող ուղտերի համար պաշտոնական անձնագրերի տրամադրումը։

«Նախարարի տեղակալը ներկայացրել է  ուղտի առաջին անձնագիրը՝ նպատակ ունենալով բարձրացնել կենդանաբուծության ոլորտի արդյունավետությունը և ստեղծել ուղտերի ամբողջական տվյալների բազա», — ասված է նախարարության հաղորդագրությունում։

Անձնագիրը կդառնա պաշտոնական փաստաթուղթ, որը կներառի կենդանու մանրամասն տվյալներ՝ ցեղատեսակը, սեփականատիրոջ տվյալները և պատվաստումների պատմությունը։ Այս միջոցը հնարավորություն կտա հետևել յուրաքանչյուր ուղտի առողջության վիճակին և հեշտացնել վարակի տարածման վերահսկողությունը ուղտերի շրջանում։