Ոսկու գների լուրջ տատանումները՝ տնտեսական անորոշության ֆոնին

Լիբանանյան ոսկերչական շուկան տարակուսանքի մեջ է ոսկու և արծաթի գների կտրուկ տատանումների պատճառով, որոնք նույնիսկ ոլորտի փորձառու մասնագետների համար աննախադեպ են։

Բեյրութի ոսկերիչ Սիմոն Բուրին նշում է, որ մեկ օրվա ընթացքում գրանցված մինչև 20 տոկոս տատանումը «խելահեղ» է: Չկա հստակ բացատրություն, թե ինչու են թանկարժեք մետաղները այսքան արագ և կտրուկ տատանվում։

Լիբանանում, որը 2019-ից ապրում է ծանր տնտեսական ճգնաժամ, ոսկին ավանդաբար համարվել է անվտանգ ներդրում՝ բանկերի նկատմամբ վստահության կորստի ֆոնին։ Վերջին տարվա գլոբալ և հատկապես Մերձավոր Արևելքի քաղաքական անկայունությունը, ինչպես նաև Դոնալդ Թրամփի քաղաքական քայլերը, նպաստել են շուկայի անկայունությանը, գրում է AL-JAZEERA լրատվական կայքը: