Ճապոնիան հայտարարել է Ռուսաստանի հետ խաղաղության պայմանագրի նպատակ ունենալու մասին

Ճապոնիայի կառավարությունը պահպանում է դիրքորոշումը, որ անհրաժեշտ է լուծել «հյուսիսային տարածքների» հարցը՝ ինչպես Տոկիոն է անվանում Կուրիլյան կղզիների հարավային հատվածը, և կնքել խաղաղության պայմանագիր Ռուսաստանի հետ։ Այս մասին հայտարարել է Ճապոնիայի Կառավարության Կաբինետի փոխգեներալ քարտուղար Քեյ Սատոն։

 

««Հյուսիսային տարածքների» հարցը ամենակարևորն է Ճապոնիայի և Ռուսաստանի հարաբերություններում։ Կառավարությունը շարունակում է դիրքորոշումը, որ անհրաժեշտ է որոշել չորս հյուսիսային կղզիների պատկանելությունը (այս ևս մեկ ձևակերպում է Ճապոնիայում՝ Հարավային Կուրիլների վերաբերյալ) և կնքել Ռուսաստանի հետ խաղաղության պայմանագիր», — նշել է նա։

 

Սատոն կրկնել է Տոկիոյի դիրքորոշումը, որ «Ճապոնիայի և Ռուսաստանի հարաբերությունները մնում են դժվար իրավիճակում» Ուկրաինայում ընթացող իրադարձությունների պատճառով, սակայն ընդգծել է, որ ճապոնական կողմը պատրաստ է «տրամադրվել համբերատար համագործակցության Ռուսաստանի հետ»։