Հարցում․ քաղաքացիների միայն 38%-ն է վստահում բանկերում պահվող խնայողությունների անվտանգությանը

Ռուսաստանում քաղաքացիների ընդամենը 38 տոկոսն է վստահ, որ իրենց բանկային խնայողությունները լիովին պաշտպանված են։ Այդ մասին վկայում են ֆինանսական մարքեթփլեյս Выберу.ру-ի անցկացրած հարցման արդյունքները, որոնք հրապարակվել են «Լենտա.ռու»-ում։

Հարցվածների 42 տոկոսը նշել է, որ իրենց խնայողությունները «ավելի շուտ պաշտպանված են», սակայն չեն բացառում ռիսկերը։ Միաժամանակ 14 տոկոսը հայտարարել է, որ բավարար պաշտպանվածություն չի զգում, իսկ 6 տոկոսը չի վստահում բանկային անվտանգության համակարգերին։ 46–65 տարեկանների շրջանում լիարժեք անվտանգության համոզվածությունը կազմել է 29 տոկոս, մինչդեռ 18–30 տարեկանների շրջանում՝ 44 տոկոս։

Հարցման տվյալներով՝ երկփուլ նույնականացում օգտագործում է քաղաքացիների 47 տոկոսը, կենսաչափական հաստատում՝ 21 տոկոսը, իսկ բարդ անհատական գաղտնաբառեր և դրանց պարբերական փոփոխություն կիրառում է միայն 18 տոկոսը։ Հարցվածների 38 տոկոսը նշել է, որ անցած տարվա ընթացքում իրենք կամ իրենց հարազատները բախվել են խարդախության փորձերի։ Մասնագետները խորհուրդ են տալիս հիմնական խնայողությունները պահել բանկային ավանդներում, իսկ ապահովագրական սահմանաչափը գերազանցող գումարները ներդնել պարտատոմսերում կամ արժույթում՝ ռիսկերը նվազեցնելու համար։