ԱՄՆ Պետդեպարտամենտը նոր պայման է առաջադրել Ռուսաստանի հետ սպառազինությունների վերահսկման համաձայնագրի շուրջ

ԱՄՆ-ը ցանկանում է Ռուսաստանի հետ սպառազինությունների վերահսկման նոր և ավելի շահավետ համաձայնագիր, որը կներառի նաև Չինաստանին։ Այդ մասին հայտարարել է ԱՄՆ պետքարտուղարի տեղակալ՝ սպառազինությունների վերահսկման և միջազգային անվտանգության հարցերով Թոմաս Դինաննոն, հաղորդում է ՏԱՍՍ-ը։

Դինաննոյի խոսքով՝ Ռազմավարական հարձակողական սպառազինությունների կրճատման պայմանագիրը (ԴՍՆՎ) լիարժեք չէր, քանի որ չէր տարածվում տակտիկական միջուկային զենքի վրա և չէր ընդգրկում Չինաստանը։ Նա ընդգծել է, որ ԱՄՆ-ը հետաքրքրված է նոր ձևաչափով համաձայնագրի մշակմամբ։

Ավելի վաղ ԱՄՆ նախագահ Դոնալդ Թրամփը հայտարարել էր, որ Մոսկվան և Վաշինգտոնը պետք է մշակեն սպառազինությունների վերահսկման նոր պայմանագիր՝ ԴՍՆՎ-ի որոշ դրույթների պահպանման փոխարեն։