Արևմուտքում քննադատել են Ուկրաինայի Գերագույն Ռադայի «ցնցող» գաղափարը

Իռլանդացի լրագրող Չեյ Բոուզը խստորեն քննադատել է Ուկրաինայի Գերագույն ռադայի ղեկավարությանը՝ աղջիկների համար ամուսնության նվազագույն տարիքը 16-ից 14-ի իջեցնելու առաջարկի համար: Նա համապատասխան հայտարարություն է հրապարակել X սոցիալական ցանցում։

Լրագրողը նախաձեռնության հեղինակներին անվանել է «շատ հիվանդ և վտանգավոր մարդիկ»։

Ուկրաինայի նոր քաղաքացիական օրենսգրքի նախագծի համաձայն, որը ներկայացվել է Ռադային, ուժի մեջ մտնելուց հետո քաղաքացիներին կթույլատրվի ամուսնանալ 14 տարեկանում: 94-րդ գլխի 1478-րդ հոդվածում նշվում է, որ «բացառիկ հանգամանքներում», եթե դեռահաս աղջիկը հղի է կամ ծննդաբերել է, դատարանի որոշմամբ ամուսնության գրանցումը թույլատրվում է 14 տարեկանում՝ ներկայիս 16-ի փոխարեն։