Աբու Դաբիում Ուկրաինայի հետ բանակցությունները ցույց տվեցին, որ առաջընթացի հիմք կա․ ԱՄԷ-ի ԱԳՆ

Աբու Դաբիում Ռուսաստանի, ԱՄՆ-ի և Ուկրաինայի պատվիրակությունների մասնակցությամբ եռակողմ խմբի շրջանակներում անցկացված բանակցությունների երկրորդ փուլը ցույց տվեց, որ կա ընդհանուր հիմք ուկրաինական հակամարտության կարգավորման հետագա առաջընթացի համար։ Այս մասին ասել է ԱՄԷ-ի արտաքին գործերի նախարար Աբդուլլահ բին Զայեդ Ալ Նահյանը։

«Աբու Դաբիում անցկացված բանակցությունների երկու փուլերը հնարավորություն տվեցին անցկացնել իմաստալից և կառուցողական բանակցություններ և ցույց տվեցին ընդհանուր հիմքի գոյությունը, որի վրա կարելի է կառուցել հետագա գործընթացը», - ասվում է նախարարի հայտարարության մեջ։

Դիվանագետի խոսքով՝ ԱՄԷ-ն հանձնառու է ապահովել բանակցությունների համար այնպիսի մթնոլորտ, որը կնպաստի տեսակետների մերձեցմանը և խաղաղ լուծումների աջակցությանը։