Լավրովը կապել է գեներալ Ալեքսեևի վրա հարձակումը բանակցությունների խափանման փորձի հետ

Ռուսաստանի արտաքին գործերի նախարար Սերգեյ Լավրովը հայտարարել է, որ գեներալ-լեյտենանտ Վլադիմիր Ալեքսեևի դեմ կատարված հարձակումը, իր գնահատմամբ, ցույց է տալիս Կիևի պատրաստակամությունը շարունակել սադրանքները և խոչընդոտել բանակցային գործընթացը։ Նրա խոսքերը փոխանցել է ՏԱՍՍ գործակալությունը։

Նախարարի խոսքով՝ տեղի ունեցածը ևս մեկ անգամ վկայում է, որ Ուկրաինայի իշխանությունները նպատակ ունեն խափանել հակամարտության կարգավորման շուրջ հնարավոր բանակցությունները։ Լավրովը նշել է, որ հետագա քայլերի վերաբերյալ որոշումները կընդունի Ռուսաստանի ղեկավարությունը։

Ավելի վաղ Ռուսաստանի Քննչական կոմիտեի ներկայացուցիչ **Սվետլանա Պետրենկո**ն հայտնել էր, որ Մոսկվայում անհայտ անձը մի քանի կրակոց է արձակել գեներալ Ալեքսեևի ուղղությամբ բնակելի շենքում, որից հետո փախուստի դիմել։ Գեներալը հոսպիտալացվել է։